બેંગકોક બ્રૅકફાસ્ટ

(ઇંગ્લિશ કવિતા)

જોગી ઊભો છે

માધુર્યથી તરબોળ

મ્હોરતા વૃક્ષ તળે.

છૂંદાયેલા દેહમાં

પોકળ પવિત્રતા ભરવા

માટીનો ઘડૂલિયો લઈ

નારીઓ આવે ને નારીઓ જાય.

નિર્વાહના અભાવે તેઓ

નિર્ભર છે તેની દેહછાયા પર

યજ્ઞજ્વાળા સાથે સળગતાં

તેના ચિર

કલુષિત કરે, પુનિત થવા

ભીખ અને ભિક્ષુ

બંને આપે ને

નાનાં ને મોટાં ચૂસ્યા કરે

તેની દૂષિત કાયા

ને

વેરે ધરતી પર બિયાં.

માધુર્યથી તરબોળ

મ્હોરતા વૃક્ષ તળે

ઊભો છે

જોગી. 

- મિશેલ રોબર્ટ્સ

અનુવાદ : ઇન્તાજ મલેક 

Painting : Stojan Milanov