તું જાણે છે

(તુર્કી કવિતા)

૧.

ક્યારેક તને મારો પ્યાલો કહી બોલાવું

ક્યારેક જગ

તો ક્યારેક અમૂલ્ય કનક.

ક્યારેક

મારો રૂપાનો ચાંદ

ક્યારેક તને બીજ કહી બોલાવું

ક્યારેક

શિકાર તો ક્યારેક શિકારી.

અને

આ બધું એટલા માટે કે,

હું નથી ચાહતો કે તને

બોલાવું

તારા નામથી.

૨.

ચિરાય છે મારું હૃદય,

તારા પ્રત્યેક શબ્દથી.

મારા મહોરા પરની રક્તરચિત કથા

તું જાણે છે.

તો પછી

અવગણે છે શા માટે ?

તું પાષાણ દિલ તો નથી ને ?

- રૂમી

અનુવાદ : ઇન્તાજ મલેક